കഴിഞ്ഞ ഐഎസ്എല്‍ ഫൈനലില്‍ എടികെ മോഹന്‍ബഗാനോട് തോറ്റ് റണ്ണേഴ്‌സ് അപ്പാകേണ്ടി വന്ന ടീമാണ് ബെംഗളൂരു എഫ്‌സി. ഇന്ന് സൂപ്പര്‍ കപ്പിന്റെ ഫൈനലില്‍ ഒഡീഷ എഫ്‌സിയെ നേരിടുമ്പോള്‍ വിജയിച്ച് ആ ക്ഷീണം തീര്‍ക്കാനാകും സുനില്‍ ഛേത്രിയുടെയും സംഘത്തിന്റെയും ശ്രമം. എന്നാല്‍ സൂപ്പര്‍കപ്പില്‍ ആദ്യ കിരീടം നേടാനാകും ഐഎസ്എല്ലില്‍ വലിയ നേട്ടങ്ങള്‍ കൊയ്യാനാകാതിരുന്ന ഒഡീഷ സംഘത്തിന്റെ ആഗ്രഹം.
കോഴിക്കോട് കോര്‍പറേഷന്‍ ഇ.എം.എസ് സ്റ്റേഡിയത്തില്‍ രാത്രി ഏഴിനാണ് മത്സരം. ഇതുവരെ 5കളികളില്‍ ഏറ്റുമുട്ടിയപ്പോള്‍ ഇരു ടീമുകളും 2വീതം കളികള്‍ വീതം വിജയിച്ചു. ഒരു കളി സമനിലയില്‍ പിരിഞ്ഞു. അവസാനമായി ഏറ്റുമുട്ടിയ മത്സരത്തില്‍ ബെംഗളൂരുവിനായിരുന്നു ജയം. 2018ലെ സൂപ്പര്‍ കപ്പ്് ജേതാക്കളാണ് ടീം. എഫ്‌സി ഗോവയായിരുന്നു 2019ല്‍ വിന്നേഴ്‌സ്.