പഞ്ചാബിലെ ഭട്ടിന്‍ഡയിലെ കരസേനാകേന്ദ്രത്തില്‍ സെനികന്‍ വെടിയേറ്റു മരിച്ചു. തോക്കില്‍ നിന്നും അബന്ധത്തില്‍ വെടിയുതിര്‍ന്നതാണെന്നാണ് സൈന്യത്തിന്റെ വിശദീകരണം. ലഘുരാജ് ശങ്കര്‍ എന്ന ജവാനാണ് മരിച്ചതെന്ന് അറിയിച്ചു.
കാവല്‍ ഡ്യൂട്ടിയിലായിരുന്നു ഇയാള്‍. സ്വന്തം തോക്കില്‍ നിന്നുളള വെടിയേറ്റാണ് ഇയാള്‍ മരിച്ചത്. പുലര്‍ച്ചെയായിരുന്നു സംഭവം. വെടിയേറ്റയുടന്‍ സൈനികനെ മിലിറ്ററി ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
ഏപ്രില്‍ 11നാണ് ലീവ് കഴിഞ്ഞ് ഇയാള്‍ ക്യാമ്പില്‍ തിരിച്ചെത്തിയത്. സൈനികന്‍ ആന്മഹത്യ ചെയ്തതാണെന്നാണ് പ്രാഥമിക നിഗമനമെന്ന് ഭട്ടിന്‍ഡ പൊലീസ് അറിയിച്ചു.
ഭട്ടിന്‍ഡയിലെ കരസേനാ കേന്ദ്രത്തില്‍ ഇന്നലെ 4 സൈനികരുടെ മരണത്തിനിടയാക്കിയ വെടിവെപ്പുമായി സൈനികന്റെ മരണത്തിന് ബന്ധമില്ലെന്ന് സൈനികവൃത്തങ്ങള്‍ അറിയിച്ചു.