ചാമ്പ്യന്‍സ് ലീഗ് പ്രീക്വാര്‍ട്ടര്‍ മല്‍സങ്ങളുടെ നറുക്കെടുപ്പ് വീണ്ടും നടത്തി യുവേഫ. മുന്‍പ് നടത്തിയ നറുക്കെടുപ്പില്‍ സാങ്കേതിക പിഴവുണ്ടെന്ന് കണ്ടെത്തിയതിനെ തുടര്‍ന്നാണ് വീണ്ടും നറുക്കെടുപ്പ് നടത്തിയത്.
പിന്നാലെ ആദ്യം നടത്തിയ നറുക്കെടുപ്പ് യുവേഫ അസാധുവാകിയതായി അറിയിച്ചു. ഇതോടെ ഫുട്‌ബോള്‍ പ്രേമികള്‍ ആകംശയോടെ ഉറ്റുനോക്കിയ മാഞ്ചസ്റ്റര്‍ യുണൈറ്റഡ്- പി.എസ്.ജി മല്‍സരം ഉണ്ടാകില്ല.
പുതിയ നറുക്കെടുപ്പ് പ്രകാരം മാഞ്ചെസ്റ്റര്‍ യുണൈറ്റഡ് സപാനിഷ് ക്ലബ് അത്‌ലറ്റിക്കോ മാഡ്രിഡിനെയും പിഎസ്ജി റയല്‍ മാഡ്രിഡിനെയും നേരിടും. മെസി – ക്രിസ്റ്റ്യനോ പോരാട്ടം ഇല്ലാതായത്തിന്റെ വിഷമത്തിലാണ് ഫുട്‌ബോള്‍ പ്രേമികള്‍.
നറുക്കെടുപ്പിന്റെ സമയം ഇംഗ്ലീഷ് ക്ലബ്ബ് മാഞ്ചസ്റ്റര്‍ യുണൈറ്റഡിന്റെ പേരെഴുതിയ ബോള്‍ തെറ്റായ പാത്രത്തില്‍ വെച്ചതാണ് പിഴവിലേക്ക് നയിച്ചത്.