കര്‍ണാടക നിയമസഭാ തിരഞ്ഞെടുപ്പ് പ്രചാരണത്തിന്റെ ഭാഗമായി പ്രധാനമന്ത്രി നരേന്ദ്രമോദി റോഡ് ഷോ നടത്തിയ പാത ചാണകം തെളിച്ച് ശുദ്ധീകരിച്ച് ചാമുണ്ഡേശ്വരി ദേവിയുടെ ഭക്തര്‍. അമ്പാരിലേക്കുള്ള രാജപാത മോദി ദുരുപയോഗം ചെയ്തുവെന്ന് ഭക്തര്‍ പറയുന്നു. മോദിയുടെ പ്രവര്‍ത്തി തങ്ങളെ വേദനിപ്പിച്ചിട്ടുണ്ട് എന്നും അവര്‍ ചൂണ്ടിക്കാട്ടി.
വിശുദ്ധമായ പാദം മറ്റു ആവശ്യങ്ങള്‍ക്കായി ഉപയോഗിച്ചത് അംഗീകരിക്കാന്‍ ആവില്ല, ഞാന്‍ അദ്ദേഹത്തെ ബഹുമാനിക്കുന്ന ആളാണ്, മോദി ദേവിയോട് മാപ്പ് പറയുമെന്നാണ് പ്രതീക്ഷിക്കുന്നത് ഭക്തര്‍ പറഞ്ഞു.
എന്നാല്‍ അതേസമയം ശുചീകരണ പ്രവര്‍ത്തനങ്ങള്‍ നടത്തുന്നതിനിടെ സംഭവം പൊലീസ് തടഞ്ഞു. പൊതു ശല്യം ഉണ്ടാക്കിയതിന് ദേവരാജ പോലീസ് സ്റ്റേഷന്‍ സംഭവത്തില്‍ മൂന്ന് പേര്‍ക്കെതിരെ കേസ് രജിസ്റ്റര്‍ ചെയ്തു.