തിരുവനന്തപുരം നഗരത്തില്‍ വീണ്ടും അരുംകൊല. നഗരമധ്യത്തില്‍ പട്ടാപകല്‍ ഹോട്ടലില്‍ കയറി റിസപ്ഷനിസ്റ്റിനെ വെട്ടിക്കൊന്നു. തമ്പാനൂര്‍ സിറ്റി ടവര്‍ ഹോട്ടലില്‍ ഇന്ന് രാവിലെ 8 മണിയോടെയാണ് സംഭവം. സംഭവത്തില്‍ തമിഴ്‌നാട് സ്വദേശി അയ്യപ്പന്‍ ആണ് മരിച്ചത്.
ബൈക്കിലെത്തിയ ഒരു വ്യക്തി വെട്ടുകത്തി കൊണ്ടാണ് ഇയാളെ കൊലപ്പെടുത്തിയത് എന്ന് സാക്ഷികള്‍ പറയുന്നു. കൊലപാതകത്തിനുശേഷം പ്രതി രക്ഷപ്പെട്ടിട്ടുണ്ട്. പോലീസ് അന്വേഷണം ആരംഭിച്ചു.