ഖാഇദെമില്ലത്ത് സെന്റര്‍ ധനസമാഹരണം നാളെ അവസാനിക്കും

കോഴിക്കോട്: മുസ്‌ലിംലീഗ് ദേശീയ ആസ്ഥാനമായ ഖാഇദെമില്ലത്ത് സെന്ററിനുള്ള കേരള സംസ്ഥാന കമ്മിറ്റിയുടെ ധന സമാഹരണം നാളെ അവസാനിക്കും . ജൂലായ് 31ന് അവസാനിച്ചിരുന്ന ക്യാംപയിന്‍ വിവിധ ജില്ലാ കമ്മിറ്റികളുടെയും മറ്റു നേതാക്കളുടെയും ആദ്യര്‍ത്ഥന മാനിച്ചാണ് സമാഹരിച്ച ഫണ്ട് അപ്‌ലോഡു ചെയ്യുന്നതിനും മറ്റുമായി ആഗസ്റ്റ് 3 മുതല്‍ ആഗസ്ത് 12ന് രാത്രി 10 മണിവരെ ദീര്‍ഘിപ്പിച്ചു നല്‍കിയത്. ജൂലായ് 31 ന് അര്‍ധരാത്രി ക്യാംപയിന്‍ ക്ലോസ് ചെയ്തപ്പോള്‍ സജീവമായി കര്‍മ്മരംഗത്തുണ്ടായിരുന്ന വിവിധ ശാഖാ കമ്മിറ്റികള്‍ നേരിട്ട ഡിജിറ്റല്‍ സംബന്ധമായ പ്രയാസങ്ങള്‍ അവര്‍ ചൂണ്ടിക്കാണിക്കുകയും ചെയ്തിരുന്നു. അത് കൊണ്ട് തന്നെ പത്ത് ദിവസം നീട്ടിനല്‍കിയപ്പോള്‍ അത്തരം പ്രതിസന്ധികള്‍ അതിജീവിക്കാനും പരാതികള്‍ പരിഹരിക്കാനും കഴിഞ്ഞിട്ടുണ്ട്

മുന്‍കൂട്ടി പ്രഖ്യാപിച്ച പോലെ തന്നെ നാളെ (ആഗസ്ത് 12 ) രാത്രി 10 മണിക്ക് സിസ്റ്റം ക്ലോസു ചെയ്യും . ഇനിയും അപ്‌ലോഡിങ്ങ് ബാക്കിയുള്ള ശാഖകള്‍ നാളെ രാത്രി പത്ത് മണിക്ക് മുമ്പായി അവ പൂര്‍ത്തിയാക്കണമെന്നും ഇനിയും സമയം ഒരു കാരണവശാലും നീട്ടിനല്‍കുകയില്ലെന്നും സംസ്ഥാന ജനറല്‍ സിക്രട്ടരി പി.എം.എ. സലാം അറിയിച്ചു.