തിരുവനന്തപുരം∙ നാമനിർദേശപത്രിക പിൻവലിക്കാനുള്ള സമയം കഴിഞ്ഞതോടെ സംസ്ഥാനത്തെ 20 ലോക്സഭാ മണ്ഡലങ്ങളിൽ മത്സരിക്കുന്ന സ്ഥാനാർഥികളുടെ അന്തിമചിത്രം തെളിഞ്ഞു. 194 സ്ഥാനാർഥികളാണു മത്സരരംഗത്തുള്ളത്. ഇന്നു 10 പേരാണു പത്രിക പിൻവലിച്ചത്. കോട്ടയം മണ്ഡലത്തിലാണ് ഏറ്റവുമധികം സ്ഥാനാര്‍ഥികളുള്ളത്, പതിനാലുപേര്‍.
നാമനിർദേശ പത്രിക പിൻവലിക്കാനുള്ള അവസാന ദിവസമായിരുന്നു ഇത്. ഇന്ന് പത്തുപേർ പത്രിക പിൻവലിച്ചു. 14 പേരാണ് കോട്ടയത്തുനിന്ന് ജനവിധി തേടുന്നത്. അഞ്ചുപേർ മാത്രമുള്ള ആലത്തൂർ മണ്ഡലത്തിലാണ് ഏറ്റവും കുറവ് സ്ഥാനാർഥികൾ. ഏറ്റവുമധികം വനിതാ സ്ഥാനാർഥികളുള്ളത് വടകരയിലാണ്. നാലു വനിതകളാണ് മണ്ഡലത്തിൽ ജനവിധി തേടുന്നത്.