തൃശൂര്‍ മരോട്ടിച്ചാലില്‍ പോക്കറ്റില്‍ കിടന്ന ഫോണ്‍ പൊട്ടിത്തെറിച്ചു. മരോട്ടിച്ചാല്‍ സ്വദേശി 70 വയസുള്ള ഏലിയാസിന്റെ ഫോണ്‍ ആണ് പൊട്ടിത്തെറിച്ചത്. ഇന്ന് രാവിലെ പത്ത് മണിയോടെയാണ് അപകടം ഉണ്ടായത്.
ചായ കുടിയ്ക്കാന്‍ ഹോട്ടലില്‍ ഇരിക്കുന്നതിനിടെ പോക്കറ്റില്‍ കിടന്ന ഫോണ്‍ പൊട്ടിത്തെറിക്കുകയായിരുന്നു. ഫോണിന്റെ ബാറ്ററി പൊട്ടിത്തെറിക്കുകയായിരുന്നു എന്നാണ് നിഗമനം. തീ ആളിപടര്‍ന്നതോടെ ഹോട്ടലിലെ ജീവനക്കാരന്‍ ഇടപെട്ട് തീയണച്ചു.ഏത് ഫോണ്‍ ആണെന്നതില്‍ വ്യക്തത വന്നിട്ടില്ല. ഇയാള്‍ക്ക് നെഞ്ചിന്റെ ഭാഗത്ത് സാരമായി പൊള്ളലേറ്റിട്ടുണ്ട്.