മോര്‍ബി ദുരന്തത്തില്‍ ഗുജറാത്ത് സംസ്ഥാന സര്‍ക്കാരിനും പ്രാദേശിക അധികാരികള്‍ക്കും ഹൈക്കോടതി നോട്ടീസ് അയച്ചു. ഗുജറാത്ത് ഹൈക്കോടതിയാണ് നോട്ടീസ് അയച്ചത്. ചീഫ് ജസ്റ്റിസ് അരവിന്ദ് കുമാര്‍, ജസ്റ്റിസ് അശുതോഷ് ശാസ്ത്രി എന്നിവരടങ്ങിയ ഡിവിഷന്‍ ബഞ്ച് നവംബര്‍ 14 നകം റിപ്പോര്‍ട്ട് നല്‍കണമെന്ന് ആവശ്യപ്പെട്ടു.
ഒക്ടോബര്‍ 30 ന് മോര്‍ബിയിലെ തൂക്കുപാലം തകര്‍ന്ന് 135 പേര്‍ക്കാണ് ജീവന്‍ നഷ്ടമായത്. സംസ്ഥാന ആഭ്യന്തര വകുപ്പ്, മുന്‍സിപ്പാലിറ്റി, ജില്ലാ കലക്ടര്‍ എന്നിവര്‍ മുഖേന സംസ്ഥാന സര്‍ക്കാരിനും പ്രാദേശിക അധികാരികള്‍ക്കും നോട്ടീസ് അയക്കുകയായിരുന്നു. പത്രവാര്‍ത്തയുടെ അടിസ്ഥാനത്തിലാണ് കോടതി സ്വമേധയാ കേസെടുത്തത്.