പാലക്കാട് നിര്‍ഭയ കേന്ദ്രത്തില്‍ നിന്നും കാണാതായ പെണ്‍കുട്ടികളെ കണ്ടെത്തി. 17 വയസുള്ള രണ്ടു കുട്ടികളേയും 14 വയസ്സുള്ള ഒരാളെയുമാണ് രണ്ട് ദിവസങ്ങള്‍ക്ക് മുമ്പ് കാണാതായത്.
ഇന്നലെ വൈകുന്നേരമാണ് 17 വയസ്സുള്ള ഒരു പെണ്‍കുട്ടിയെ കണ്ടെത്തിയത്. പെണ്‍കുട്ടി വീട്ടിലേക്കാണ് പോയിരുന്നത്്. അവശേഷിച്ച രണ്ട് പേര്‍ക്കായി പൊലീസ് അന്വേഷണം തുടര്‍ന്നിരുന്നു. മണ്ണാര്‍ക്കാട് വെച്ച് സുഹൃത്തിനൊപ്പമാണ് 17കാരിയായ മറ്റു പെണ്‍കുട്ടിയെ കണ്ടെത്തിയത്. 14 വയസ്സുകാരി പാലക്കാട് നിന്നും മണ്ണാര്‍ക്കാട് എത്തിയതായി പൊലീസിന് വിവരം ലഭിച്ചിരുന്നു. ബസ് ഇറങ്ങിയതിന്റെ ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് പെണ്‍കുട്ടിയെ തമിഴ്‌നാട്ടിലെ ബന്ധുവീട്ടില്‍ നിന്നും കണ്ടെത്തിയത്.