കേരള ഹൈക്കോടതി തന്നെ വിമര്‍ശിച്ചുവെന്നത് വെറും മാധ്യമസൃഷ്ടി ആണെന്ന് ഗവര്‍ണര്‍ ആരിഫ് മുഹമ്മദ് ഖാന്‍.സംസ്ഥാന സര്‍ക്കാരിന്റെ സമ്മര്‍ദ്ദം കൊണ്ടാണ് മാധ്യമങ്ങള്‍ ഇത്തരം റിപ്പോര്‍ട്ട് ചെയ്യുന്നതെന്നും അദ്ദേഹം പറഞ്ഞു.
സംസ്ഥാന സര്‍ക്കാറിന് സര്‍വകലാശാലകളില്‍ ഏകപക്ഷീയമായി നിലപാട് എടുക്കാന്‍ ആകില്ലെന്ന് അദ്ദേഹം വ്യക്തമാക്കി. സുപ്രീംകോടതി വിധി മുമ്പിലിരിക്കെ എങ്ങനെയാണ് സര്‍ക്കാരിന് ഏകപക്ഷമായി നിലപാട് എടുക്കാന്‍ സാധിക്കുക അദ്ദേഹം ചോദിച്ചു.
മുന്‍ നിശ്ചയിച്ച പ്രകാരം നാളെത്തന്നെ വൈസ് ചാന്‍സിലര്‍മാരുടെ വാദം കേള്‍ക്കും. കാരണം കാണിക്കല്‍ നോട്ടീസുമായി ബന്ധപ്പെട്ട നടപടികള്‍ രണ്ടുദിവസം പൂര്‍ത്തീകരിക്കുമെന്നും അന്തിമ തീരുമാനം കോടതിവിധിക്ക് ശേഷമെന്നും ഗവര്‍ണര്‍ വ്യക്തമാക്കി.