ലക്‌നൗ: രാജ്യം ഉറ്റുനോക്കുന്ന യു.പി നിയമസഭാ തിരഞ്ഞെടുപ്പിന്റെ ആറം ഘട്ട വോട്ടെടുപ്പും പൂര്‍ത്തിയായി. വൈകിട്ട് അഞ്ച് വരെ 53.31% പേര്‍ വോട്ടു രേഖപ്പെടുത്തി. മുഖ്യമന്ത്രി യോഗി ആദിത്യനാഥ് മത്സരിക്കുന്ന ഗോരഖ്പുര്‍ സദര്‍ അടക്കം 10 ജില്ലകളിലെ 57 മണ്ഡലങ്ങളിലേക്കാണ് വോട്ടെടുപ്പ് നടന്നത്. ഇതോടെ സംസ്ഥാനത്തെ 403 അസംബ്ലി സീറ്റുകളില്‍ 349 എണ്ണത്തിലേക്കുള്ള വോട്ടെടുപ്പ് പൂര്‍ത്തിയായി. അവസാനഘട്ടത്തി ല്‍ 54 സീറ്റുകളിലേക്കുള്ള വോട്ടെടുപ്പ് ഈ മാസം 7നാണ്. മാര്‍ച്ച് 10ന് ഫലം പ്രഖ്യാപിക്കും.
അവസാന ഘട്ടത്തില്‍ വാരണാസിയിലും സമീപത്തെ എട്ടു ജില്ലകളിലുമാണ് വോട്ടെടുപ്പ്്. പ്രധാനമന്ത്രി മോദിയടക്കമുള്ള ബി.ജെ.പി നേതാക്കളും പ്രതിപക്ഷ നേതാക്കളും ഇവിടം കേന്ദ്രീകരിച്ച് പ്രചാരണം ശക്തമാക്കിയിട്ടുണ്ട്.
മുഖ്യമന്ത്രി യോഗി ആദിത്യനാഥ്, യു.പി കോണ്‍ഗ്രസ് അധ്യക്ഷന്‍ അജയ് കുമാര്‍ ലല്ലു ഉള്‍പ്പെടെയുള്ളവരും ഇന്നലെ ജനവിധി തേടി.