സംസ്ഥാനത്തെ അവസാന ഹജ്ജ് വിമാനം ഇന്ന് പുറപ്പെടും. രാവിലെ 8.50 ന് കരിപ്പൂരില്‍ നിന്നാണ് വിമാനം. ഹജ്ജ് ക്യാമ്പുകളുടെ സമാപന സംഗമം കരിപ്പൂര്‍ ഹജ്ജ് ഹൗസില്‍ നടന്നു. ഹജ്ജ് വകുപ്പ് മന്ത്രി വി. അബ്ദുറഹ്മാന്‍ പരിപാടി ഉദ്ഘാടനം ചെയ്തു.
എം.പി അബ്ദുസ്സമദ് സമദാനി എം.പി , വി.ടി ഇബ്രാഹിം എം.എല്‍.എ , മലപ്പുറം ജില്ലാ കലക്ടര്‍ വി.ആര്‍ പ്രേംകുമാര്‍ തുടങ്ങിയവര്‍ സംസാരിച്ചു. കണ്ണൂരില്‍ പുതിയ ഹജ്ജ് ഹൗസ് തുടങ്ങുന്നതിനുള്ള ശ്രമം ആരംഭിച്ചതായി മന്ത്രി വി.അബ്ദുറഹ്മാന്‍ പറഞ്ഞു.