കോഴിക്കോട്ടു നിന്ന് ദുബൈയിലേക്കുള്ള എയര്‍ ഇന്ത്യ എക്‌സ്പ്രസ് വിമാനം മണിക്കൂറുകളോളം വൈകി. ശനിയാഴ്ച രാത്രി 8.05ന് പുറപ്പെടേണ്ട ഐ.എക്‌സ് 343 വിമാനം രാത്രി വൈകിയും പുറപ്പെട്ടിട്ടില്ല. സാങ്കേതിക തകരാറാണ് കാരണമായി പറയുന്നത്.
കൃത്യസമയത്ത് വിമാനത്തിലേക്ക് കയറാന്‍ വരിനില്‍ക്കാന്‍ അറിയിപ്പ് വന്നെങ്കിലും ഗേറ്റിനു സമീപംഎത്തിയപ്പോഴാണ് വിമാനം വൈകുമെന്ന് ജീവനക്കാര്‍ അറിയിച്ചത്. പുതിയ സമയം അറിയിക്കാന്‍ ജീവനക്കാര്‍ തയ്യാറാവാത്തതിനെത്തുടര്‍ന്ന് യാത്രക്കാര്‍ ബഹളം വെക്കാന്‍ തുടങ്ങി.
ഇത്രയും സമയം യാത്രക്കാര്‍ക്ക് വെള്ളംപോലും നല്‍കാന്‍ വിമാന അധിക#തര്‍ തയ്യാറായില്ലെന്ന് യാത്രക്കാര്‍ പറഞ്ഞു. യാത്രക്കാര്‍ ക്ഷുഭിതരായതോടെ ദുബൈയില്‍ നിന്ന് പകരം വിമാനം വരുന്നുണ്ടെന്നും 12 മണിയോടെ വിമാനം പുറപ്പെടുമെന്നുമുള്ള അറിയിപ്പാണ് വന്നത്. 21 മണിക്കൂറാണ് വിമാനം വൈകിയത്.