സംസ്ഥാനത്ത് മഴയുടെ തീവ്രത കുറയുന്നു. അഞ്ചു ജില്ലകളില്‍മാത്രമാണ് മഴ മുന്നറിയിപ്പുള്ളത്. അത് ഒറ്റപ്പെട്ട ശക്തമായ മഴക്കുള്ള യെലോ അലര്‍ട്ടാണ്. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകള്‍ക്കാണ് മഴ മുന്നറിയിപ്പുള്ളത്.
എങ്കിലും തോരാമഴയുടെ കെടുതികള്‍ രൂക്ഷമാണ്. കാസര്‍കോട് വീരമലക്കുന്നില്‍ മണ്ണിടിച്ചില്‍ തുടരുന്നു. കാസര്‍കോട് വീരമലക്കുന്നില്‍ മണ്ണിടിച്ചില്‍ തുടരുന്നു. ആലപ്പുഴ കൈനകരിയില്‍ പമ്പാനദി കരകവിഞ്ഞു. ചമ്പക്കുളം -എടത്വ റോഡിന്റെ ഒരു ഭാഗം വെള്ളത്തില്‍ മുങ്ങി. കൊച്ചി കണ്ണമാലി, വൈപ്പിന്‍, നായരമ്പലം എന്നിവിടങ്ങളില്‍ കടലാക്രമണം രൂക്ഷമാണ്. സംസ്ഥാനത്താകെ 112 ക്യാമ്പുകളിലായി 2,531 പേരെ മാറ്റിതാമസിപ്പിച്ചിട്ടുണ്ട്. 29 വീടുകള്‍ പൂര്‍ണമായും 642 വീടുകള്‍ ഭാഗികമായും തകര്‍ന്നു.