കാര്‍ കത്തി ദമ്പതികള്‍ മരിച്ച സംഭവത്തില്‍ വാഹനത്തില്‍ പെട്രോള്‍ സാന്നിധ്യം സ്ഥിരീകരിച്ച് ഫോറന്‍സിക് റിപ്പോര്‍ട്ട്. കോടതിയില്‍ സമര്‍പ്പിച്ച റിപ്പോര്‍ട്ടിലാണ് ഇക്കാര്യം വ്യക്തമാക്കുന്നത്. ഒരുമാസത്തോളം നീണ്ട പരിശോധനയ്ക്ക് ശേഷമാണ് ഫോറന്‍സിക് റിപ്പോര്‍ട്ട് തളിപ്പറമ്പ് സബ് ജുഡീഷ്യല്‍ മജിസ്‌ട്രേറ്റ് കോടതിയില്‍ സമര്‍പ്പിച്ചത്.
ഫെബ്രുവരി രണ്ടിനാണ് കണ്ണൂരില്‍ ഓടിക്കൊണ്ടിരിക്കുന്ന കാറിന് തീപിടിച്ച് ദമ്പതികള്‍ മരിച്ചത്. കാറില്‍ ഉണ്ടായിരുന്ന മറ്റുള്ളവര്‍ അത്ഭുതകരമായ രക്ഷപെട്ടിരുന്നു.എന്നാല്‍ അതേസമയം കാറില്‍ വെള്ളം മാത്രമാണ് ഉണ്ടായിരുന്നത് എന്നാണ് കുടംബത്തിന്റെ വാദം.