കോഴിക്കോട് താമരശ്ശേരിയില്‍ കോളേജ് വിദ്യാര്‍ഥിയെ ലഹരിമരുന്ന് നല്‍കി പീഡിപ്പിച്ച് ചുരത്തില്‍ ഉപേക്ഷിച്ചു. ചൊവ്വാഴ്ചയാണ് പെണ്‍കുട്ടിയെ കാണാതായത്. വിവിധ ഇടങ്ങളില്‍ കൊണ്ടുപോയി പീഡിപ്പിച്ചശേഷം ചുരത്തില്‍ ഉപേക്ഷിക്കുകയായിരുന്നു.
ഇന്നലെ രാത്രിയാണ് പെണ്‍കുട്ടിയെ ചുരത്തില്‍ നിന്നും കണ്ടെത്തിയത്. കുട്ടിയെ കാണാത്തതിനാല്‍ കോളേജില്‍ നിന്ന് വിവരം അറിയിച്ചപ്പോഴാണ് വീട്ടുകാര്‍ അറിയുന്നത്. ഹോസ്റ്റലില്‍ നിന്ന് വീട്ടിലേക്കാണെന്ന് പറഞ്ഞ് ഇറങ്ങിയതായിരുന്നു കുട്ടി. കുട്ടിയെ വൈദ്യ പരിശോധനയ്ക്കുശേഷം രക്ഷിതാക്കള്‍ക്കൊപ്പം അയച്ചു. പ്രതിയെ തിരിച്ചറിഞ്ഞിട്ടുണ്ടെന്നും ഉടന്‍ പിടികൂടുമെന്നും പൊലീസ് അറിയിച്ചു.