ഹേമ കമ്മിറ്റി റിപ്പോര്‍ട്ടിന്റെ പൂര്‍ണരൂപം സര്‍ക്കാര്‍ പ്രത്യേക അന്വേഷണ സംഘത്തിന് കൈമാറി. എസ്‌ഐടിക്ക് നേതൃത്വം നല്‍കുന്ന ക്രൈംബ്രാഞ്ച് മേധാവി എച്ച് വെങ്കിടേഷിനാണ് റിപ്പോര്‍ട്ട് നല്‍കിയത്. പ്രത്യേക സംഘത്തിന്റെ യോഗം െ്രെകംബ്രാഞ്ച് എഡിജിപി ഇന്ന് വിളിച്ചുചേര്‍ത്തിട്ടുണ്ട്.
രാവിലെ പത്തരയ്ക്ക് പോലീസ് ആസ്ഥാനത്തായിരുന്നു യോഗം. കമ്മിറ്റിക്ക് മുന്നില്‍ മൊഴി കൊടുത്തവരെയെല്ലാം പ്രത്യേക സംഘം നേരില്‍ കണ്ട് അന്വേഷണം നടത്തുകയും കേസെടുക്കാന്‍ പരാതിക്കാര്‍ തയ്യാറായാല്‍ മുന്നോട്ട് പോകണമെന്നുമാണ് ഹൈക്കോടതി നിര്‍ദേശിച്ചത്.
50ലധികം പേരാണ് ഹേമ കമ്മിറ്റിക്ക് മുന്നില്‍ മൊഴി നല്‍കിയത്. ഇവരെ എസ്‌ഐടി നേരിട്ട് കാണും. രണ്ടാഴ്ചക്കുള്ളില്‍ പ്രത്യേക സംഘം സര്‍ക്കാരിന് നടപടി റിപ്പോര്‍ട്ട് നല്‍കും.