ഇടുക്കിയില്‍ യുവതിയെ ഭര്‍ത്താവിന്റെ ബന്ധുവീട്ടില്‍ നിന്ന് തട്ടിക്കൊണ്ടുപോയതായി പരാതി. സംഭവത്തില്‍ രണ്ടുപേര്‍ക്കെതിരെ കേസെടുത്തു. കൊല്ലം സ്വദേശികളായ അനീഷ് ഖാന്‍, യദുകൃഷ്ണന്‍ എന്നിവര്‍ക്കെതിരെയാണ് കേസ്.
അനീഷ് ഖാന്റെ ബന്ധുവായ യുവതിയെ വീട്ടില്‍ അതിക്രമിച്ചു കയറി തട്ടിക്കൊണ്ടു പോയെന്നാണ് കേസ്. അനീഷ് ഖാന്റെ ബന്ധുവായ പെണ്‍കുട്ടിയെ പത്തനാപുരം സ്വദേശിയായ രഞ്ജിത് വിവാഹം ചെയ്തിരുന്നു. പെണ്‍കുട്ടിയെ ബന്ധുക്കള്‍ പത്തനാപുരം കോടതിയില്‍ ഹാജരാക്കി. പിന്നീട് പെണ്‍കുട്ടിയുടെ ഇഷ്ടപ്രകാരം ബന്ധുക്കള്‍ക്കൊപ്പം വിട്ടയച്ചു.
അനീഷ് ഖാനും യദുകൃഷ്ണനും പെണ്‍കുട്ടിയുടെ ബന്ധുക്കളും അടങ്ങുന്ന പതിനഞ്ചോളം പേരുടെ സംഘം വീട്ടില്‍ അതിക്രമിച്ചു കയറി ആക്രമിക്കുകയും പെണ്‍കുട്ടിയെ പിടിച്ചുകൊണ്ടു പോയെന്നുമാണ് പരാതി.