ചൈനയില്‍ ഒരു വര്‍ഷത്തിന് ശേഷം ആദ്യ കോവിഡ് മരണം

ബെയ്ജിങ്: ഒരു വര്‍ഷത്തിന് ശേഷം ആദ്യമായി ചൈനയില്‍ വീണ്ടും കോവിഡ് മരണം റിപ്പോര്‍ട്ട് ചെയ്തു. ശനിയാഴ്ച രണ്ട് കോവിഡ് രോഗികളാണ് മരണപ്പെട്ടത്. വടക്കുകിഴക്കന്‍ പ്രവിശ്യയായ ജലിനിലാണ് രണ്ട് മരണവും സംഭവിച്ചതെന്ന് ആരോഗ്യ കമ്മീഷന്‍ അറിയിച്ചു. 2021 ജനുവരിക്കുശേഷം ചൈനയില്‍ റിപ്പോര്‍ട്ട് ചെയ്യപ്പെട്ട ആദ്യ കോവിഡ് മരണമാണ് ഇതെന്ന് ചൈന പറയുന്നു. ഇതോടെ രാജ്യത്തെ കോവിഡ് മരണം 4638 ആയി. ചൈനയുടെ പല നഗരങ്ങളും രോഗ വ്യാപനത്തെ തുടര്‍ന്ന് ലോക്ക്ഡൗണിലാണ്.