ദക്ഷിണാഫ്രിക്കക്കെതിരായ ഇന്ത്യയുടെ പരമ്പരയിലെ അവസാന മത്സരം ഇന്ന്. പരമ്പരയിലെ ഓരോ മത്സരങ്ങള്‍ വീതം ജയിച്ച് ഇരു ടീമുകളും സമനില പാലിക്കുന്നതിനാല്‍ ഇന്ന് ജയിക്കുന്ന ടീമിന് പരമ്പര സ്വന്തമാക്കും. കഴിഞ്ഞ കളി നിരാശപ്പെടുത്തിയ മലയാളി താരം സഞ്ജു സാംസണു പകരം ഇന്ന് രജത് പാടിദാര്‍ കളിച്ചേക്കും.
ആദ്യ കളി ആധികാരികമായി വിജയിച്ചെങ്കിലും രണ്ടാം മത്സരത്തില്‍ ഇന്ത്യ ആഫ്രിക്കയുടെ മുന്നില്‍ തകര്‍ന്നു. ഋതുരാജ് ഗെയ്ക്വാദ് രണ്ട് കളിയും നിരാശപ്പെടുത്തിയപ്പോള്‍ തിലക് വര്‍മയും സഞ്ജു സാംസണും രണ്ടാമത്തെ കളി കുറഞ്ഞ സ്‌കോറിനു പുറത്തായി. രണ്ട് കളിയും ഫിഫ്റ്റിയടിച്ച സായ് സുദര്‍ശന്‍ ഈ പരമ്പരയുടെ കണ്ടെത്തലാണ്. കെഎല്‍ രാഹുലും ഫോമിലുണ്ട്. ഇവരൊഴികെ ബാക്കിയാരും പ്രതീക്ഷയ്‌ക്കൊത്തുയരുന്നില്ല. ഇത് ഇന്ത്യക്ക് തലവേദനയാണ്. പാളിലെ ബോളണ്ട് പാര്‍ക്കില്‍ ഇന്ത്യന്‍ സമയം വൈകിട്ട് 4.30നാണ് മത്സരം ആരംഭിക്കുക.