വിവരാവകാശ പ്രവര്‍ത്തകന്‍ ഷിജുവിനെ കാണതായ സംഭവത്തില്‍ ദുരൂഹത ഉന്നയിച്ച് കുടുംബം. തൃശൂര്‍ കൊരട്ടിയില്‍ സ്വദേശിയാണ് 36കാരനായ ഷിജു. പാടം നികത്തല്‍, അനധികൃത ഭൂമി ഇടപാട് തുടങ്ങിയ സംഭവങ്ങളില്‍ ഷിജുവിന് വിവരാവകാശ രേഖകള്‍ ലഭിച്ചിരുന്നെന്നും ഇതിന് പിന്നാലെ ഭൂമാഫിയകളുടെ കടുത്ത ഭീഷണി നേരിട്ടതായും ഭാര്യ പറഞ്ഞു. കഴിഞ്ഞ 10 ദിവസമായി ഷിജുവിനെ പൊലീസിന് കണ്ടെത്താന്‍ സാധിച്ചിട്ടില്ല. ഡിസംബര്‍ 31നാണ് കാണാതായത്. ഷിജു മാറി നില്‍ക്കുകയാണെന്നാണ് പൊലിസ് വാദമെന്ന് കുടുംബം പറഞ്ഞു. അത് വരുത്തിതീര്‍ക്കാനാണ് അവരുടെ ശ്രമമെന്നും വ്യക്തമാക്കി. പൊലീസ് സി.സി.ടി.വി ദൃശ്യങ്ങള്‍ പരിശോധന നടത്താന്‍ ശ്രമിക്കുന്നിലെന്നും അവര്‍ ആരോപിച്ചു. ഷിജു ചാലക്കുടിയിലെ കെ.പി.എം.എസ് പ്രവര്‍ത്തകനുമാണ്.
- 3 years ago
Test User