കൊല്ലം ശക്തികുളങ്ങരയില്‍ സ്വകാര്യ ബസും വാനും കൂട്ടിയിടിച്ച് വാനിന്റെ ഡ്രൈവര്‍ മരിച്ചു.എറണാകുളം ഏലൂര്‍ സ്വദേശി പുഷ്പനാണ് മരിച്ചത്.അപകടത്തില്‍ നിരവധി പേര്‍ക്ക് പരിക്കേറ്റു.
തിരുവനന്തപുരത്ത് നിന്നും ആലപ്പുഴ ഭാഗത്തേക്ക് പോയ വാനും ചവറയില്‍ നിന്നും വരികയായിരുന്ന സ്വകാര്യ ബസ്സുമാണ് കൂട്ടിയിടിച്ചത്.അമിതവേഗതയിലായിരുന്ന ബസ്സ് മറ്റൊരു വാഹനത്തെ മറികടക്കുബോഴാണ് അപകടം.വാനിന്റെ ഡ്രൈവര്‍ സംഭവസ്ഥലത്ത് തന്നെ മരിച്ചു.പരിക്ക്പറ്റിയ മറ്റുള്ളവരെ ആശുപത്രിയില്‍ പ്രവേശിപ്പിച്ചു.