ഹോം നഴ്‌സിനെ പീഡിപ്പിച്ച കേസില്‍ ദന്തഡോക്ടര്‍ അറസ്റ്റില്‍. മതിലകം പള്ളിപ്പാടത്ത് വീട്ടില്‍ ഷഹാബ് (49) ആണ് കേസില്‍ അറസ്റ്റിലായത്. പ്രതിയുടെ മാതാപിതാക്കളെ പരിചരിക്കുന്നതിനായാണ് ഹോം നഴ്‌സിനെ നിയമിച്ചിരുന്നത്.
യുവതി ഡിസംബറില്‍ ഷഹാബിനെതിരെ പരാതി നല്‍കിയതോടെ ഇയാള്‍ വിദേശത്തേക്ക് രക്ഷപ്പെട്ടിരുന്നു. ഇതേ തുടര്‍ന്ന് ഷഹാബിനെതിരെ പൊലീസ് തിരച്ചില്‍ നോട്ടീസ് പുറപ്പെടുവിച്ചിരുന്നു. പ്രതി വിദേശത്തു നിന്ന് ഇന്നലെ തിരിച്ചെത്തിയപ്പോള്‍ എയര്‍പോര്‍ട്ടില്‍ തടഞ്ഞുവച്ച് പൊലീസിന് കൈമാറുകയായിരുന്നു. അറസ്റ്റ് ചെയ്ത് ഇയാളെ കോടതിയില്‍ ഹാജരാക്കി.