ഹൈദരാബാദ്: ട്രാഫിക് കുരുക്കില്‍ കുടുങ്ങിയ ആംബുലന്‍സിന് വഴി ശരിയാക്കാന്‍ രണ്ടു കിലോമീറ്ററോളം ഓടിയ ട്രാഫിക് കോണ്‍സ്റ്റബിളിന് അഭിനന്ദന പ്രവാഹം. ഹൈദരാബാദിലാണ് സംഭവം. തിരക്കേറിയ റോഡില്‍ ആംബുലന്‍സിന് മുമ്പില്‍ ഓടിയാണ് ഇദ്ദേഹം മറ്റു വാഹനങ്ങള്‍ അരികിലേക്ക് മാറ്റി ആംബുലന്‍സിന് വഴിയൊരുക്കിയത്.
ജി ബാബ്ജി എന്ന പൊലീസ് കോണ്‍സ്റ്റബഌണ് സാമൂഹിക മാധ്യമങ്ങളില്‍ തരംഗമായി മാറിയത്. ഇദ്ദേഹത്തിന്റെ വീഡിയോ സാമൂഹിക മാധ്യമങ്ങളില്‍ വൈറലാണ്.
ബാബ്ജിയെ ഹൈദരാബാദ് പൊലീസ് അനുമോദിച്ചു. ഹൈദരാബാദ് പൊലീസ് കമ്മിഷണര്‍ അന്‍ജാനി കുമാര്‍ ഐപിഎസാണ് ബാബ്ജിക്ക് പാരിതോഷികങ്ങള്‍ കൈമാറിയത്.