തിരുവനന്തപുരം: ഗവര്‍ണര്‍ ആരിഫ് മുഹമ്മദ് ഖാന്‍ നടത്തുന്ന റിപ്പബ്ലിക് ദിന വിരുന്നില്‍ മുഖ്യമന്ത്രി പിണറായി വിജയന്‍ പങ്കെടുക്കും. നാളെ വൈകുന്നേരം രാജ്ഭവനിലാണ് ഗവര്‍ണറുടെ വിരുന്ന്.
നിയമസഭാ സമ്മേളനത്തിന് ശേഷം ഇരുവരും ഒരുമിക്കുന്ന വിരുന്നാണ് നാളെ നടക്കുന്നത്. നിയമാസഭാ സമ്മേളനത്തില്‍ നയപ്രഖ്യാപന പ്രസംഗത്തിന് എത്തിയ ഗവര്‍ണറെ മുഖ്യമന്ത്രി പിണറായി വിജയനും സ്പീക്കര്‍ ഷംസീറുമാണ് സ്വീകരിച്ചത്.
സമ്മേളനത്തിന് മുന്‍പ് ഗവര്‍ണര്‍ ക്ഷണിച്ച ക്രിസ്മസ് വിരുന്നിലേക്ക് മുഖ്യമന്ത്രി പങ്കെടുത്തിരുന്നില്ല. സര്‍വകലാശാല നിയമനങ്ങള്‍ ഉള്‍പ്പെടെയുള്ള വിഷയങ്ങളില്‍ സര്‍ക്കാരുമായി അന്ന് ഗവര്‍ണര്‍ ഇടഞ്ഞുനില്‍ക്കുന്ന സാഹചര്യമായിരുന്നു. അതേസമയം, മുഖ്യമന്ത്രി പിണറായി വിജയന്‍ നടത്തിയ ക്രിസ്മസ് വിരുന്നില്‍ ഗവര്‍ണറെ ക്ഷണിച്ചിരുന്നുമില്ല.