ന്യൂഡല്‍ഹി: ഡല്‍ഹി എയിംസ് അടക്കം രാജ്യത്തെ 23 ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിന്റെ പേര് മാറ്റാനൊരുങ്ങി കേന്ദ്ര സര്‍ക്കാര്‍. നിലവില്‍ സ്ഥലങ്ങളുടെ പേര് നല്‍കിയിട്ടുള്ള ഈ മെഡിക്കല്‍ സ്ഥാപനങ്ങള്‍ക്ക് പ്രാദേശിക നായകര്‍, സ്വാതന്ത്ര്യ സമര സേനാനികള്‍, ചരിത്ര സ്മാരകങ്ങള്‍, സംഭവങ്ങള്‍, ഭൂമിശാസ്ത്രപരമായ പ്രത്യേകതകള്‍ എന്നിവ അടിസ്ഥാനപ്പെടുത്തി പുനര്‍നാമകരണം ചെയ്യാനാണ് നിര്‍ദേശം.
ഇപ്പോള്‍ പ്രവര്‍ത്തിക്കുന്നതും നിര്‍മ്മാണത്തിലിരിക്കുന്നതുമായ എല്ലാ എയിംസ് ഇന്‍സ്റ്റിറ്റ്യൂട്ടുകളുടെയും പേരുകള്‍ മാറ്റാനാണ് ഉദ്ദേശ്യം. എയിംസില്‍ ഭൂരിഭാഗവും പുനര്‍നാമകരണത്തിനുള്ള പേരുകളുടെ പട്ടിക കേന്ദ്ര ആരോഗ്യ കുടുംബക്ഷേമ മന്ത്രാലയത്തിന് സമര്‍പ്പിച്ചു കഴിഞ്ഞിട്ടുണ്ട്.