ഓടിക്കൊണ്ടിരുന്ന കാറിന് തീപിടിച്ചു. കാറില്‍ സഞ്ചരിച്ചിരുന്ന നാലംഗ കുടുംബം അദ്ഭുതകരമായി രക്ഷപ്പെട്ടു. ചെറായില്‍ നിന്നും പറവൂരിലേക്ക് വരികയായിരുന്ന കാറാണ് കത്തിനശിച്ചത്.
ആദ്യം കാറിനകത്തുനിന്നും ദുര്‍ഗന്ധം അനുഭവപ്പെട്ടു. ഉടന്‍ കാര്‍ നിര്‍ത്തി യാത്രക്കാരായ നാലു പേരും പുറത്തിറങ്ങി. നിമിഷങ്ങള്‍ക്കകം വലിയ സ്‌ഫോടനത്തോടെ കാര്‍ പൊട്ടിത്തെറിച്ചു. കാര്‍ പൂര്‍ണമായും കത്തി നശിച്ചു.
അതേസമയം, വാഹനങ്ങളിലെ തീപിടിത്തം പഠിക്കാന്‍ ഗതാഗത വകുപ്പ് വിദഗ്ധ സമിതി രൂപീകരിക്കും. സമിതി കഴിഞ്ഞ രണ്ടു വര്‍ഷത്തെ അപകടങ്ങള്‍ പരിശോധിക്കും. ഗതാഗത മന്ത്രിയുടെ നേതൃത്വത്തിലെ യോഗത്തിലാണ് തീരുമാനം. അശാസ്ത്രീയ മോഡിഫിക്കേഷനെതിരെ ബോധവത്കരണവും നടത്തും.