ആലുവ മാര്‍ത്താണ്ഡവര്‍മ്മ പാലത്തിന്റെ മുകളില്‍ നിന്ന് പെരിയാറില്‍ ചാടിയ പെണ്‍കുട്ടിയെ രക്ഷിക്കാന്‍ പിന്നാലെ ചാടിയ ആണ്‍കുട്ടി മരിച്ചു. തായിക്കാട്ടുക്കര എസ് എന്‍ പുരത്ത് താമസിക്കുന്ന ഗൗതം (17) ആണ് മരിച്ചത്.
കഴിഞ്ഞദിവസം രാത്രിയാണ് സംഭവം. 17കാരി പുഴയില്‍ ചാടിയതിന് പിന്നാലെ ഗൗതമും പുഴയില്‍ ചാടുകയായിരുന്നു. ഇരുവരും വെള്ളത്തില്‍ വീഴുന്നത് കണ്ട മീന്‍ പിടുത്തക്കാര്‍ ഉടന്‍ രക്ഷാപ്രവര്‍ത്തനത്തിന് ഇറങ്ങി. ഇരുവരെയും വെള്ളത്തില്‍ നിന്ന് കരക്ക് എത്തിച്ചപ്പോഴേക്കും ഗൗതം മരിച്ചിരുന്നു.