മലപ്പുറം: നൂറാടി പുഴയിൽ ചാടിയ യുവാവിന്റെ മൃതദേഹം കണ്ടെത്തി. കൊണ്ടോട്ടി മുസ്‌ലിയാരങ്ങാടി സ്വദേശി വിപിൻ (27) ആണ് മരണപ്പെട്ടത്. കൊണ്ടോട്ടി റിട്ടേർഡ് എസ്ഐയുടെ മകനാണ് ഇദ്ദേഹം.
ഇയാളുടേതെന്ന് കരുതുന്ന ബൈക്കും ചെരുപ്പും മൊബൈല്‍ ഫോണും പാലത്തിന് സമീപത്തുനിന്നും കണ്ടെത്തിയിരുന്നു. ബൈക്കിന്റെ ആർ സി ഉടമയിലൂടെയാണ് വിപിനാണ് പുഴയിൽ ചാടിയതതെന്ന നിഗമനത്തില്‍ നേരത്തേ തന്നേ പോലീസ് എത്തിയിരുന്നു. ശേഷം കണ്ടെത്തിയ ഫോണിലേക്ക് ഭാര്യയുടെ കോള്‍ വന്നതും ആളെ തിരിച്ചറിയാന്‍ സഹായകമായി.
ഇന്നലെ രാവിലെ 10 ഓടെയാണ് യുവാവ് നൂറാടിപാലത്തില്‍ നിന്നും ഒരാള്‍ പുഴയില്‍ ചാടുന്നതും ഒഴുക്കില്‍പെട്ടുപോവുന്നതും നാട്ടുകാരുടെ ശ്രദ്ധയില്‍ പെടുകയായിരുന്നു. ഉടന്‍ തന്നെ ഫയര്‍ഫോഴ്സിനെ വിവരം അറിയിച്ചു. മലപ്പുറം, പെരിന്തല്‍മണ്ണ, മഞ്ചേരി എന്നിവിടങ്ങളില്‍ നിന്നുള്ള ഫയര്‍ഫോഴ്സും നാട്ടുകാരും തിരച്ചില്‍ നടത്തിയെങ്കിലും ആളെ കണ്ടെത്താനായില്ല. ഇന്നലെ രാത്രി വരെ തുടര്‍ന്ന തിരച്ചില്‍ ഇന്ന് വീണ്ടും ആരംഭിച്ചു. ഏകദേശം ഒന്നര മണിക്കാണ് മൃതദേഹം കണ്ടെത്തിയത്.