പാറപ്പുറത്ത് കയറി ഫോട്ടോ എടുക്കുന്നതിനിടെ കാലു വഴുതി പുഴയില്‍ വീണ നവദമ്പതികളുടെ മൃതദേഹം കണ്ടെത്തി.തിരുവനന്തപുരം ജില്ലയില്‍ പള്ളിക്കലില്‍ കഴിഞ്ഞദിവസം വൈകിട്ട് അഞ്ചുമണിയോടെയാണ് സംഭവം.
കൊല്ലം കടയ്ക്കല്‍ കുമ്മിള്‍ ചോനാമുകള്‍ വീട്ടില്‍ സിദ്ദിഖ് (27), ഭാര്യ കാരായില്‍ക്കോണം കാവതിയോട് പച്ചയില്‍
നൗഫിയ(20) എന്നിവരുടെ മൃതദേഹങ്ങളാണ് കണ്ടെത്തിയത്. ഇവര്‍ക്കൊപ്പം പുഴയില്‍ വീണ ബന്ധുവായ യുവാവ് അന്‍സില്‍ മരണപ്പെട്ടു. ഇവര്‍ക്കൊപ്പം പുഴയിലേക്ക് വീണ യുവാവിനെ കരയ്ക്ക് എത്തിച്ചെങ്കിലും ജീവന്‍ രക്ഷിക്കാനായില്ല.കഴിഞ്ഞദിവസം നടത്തിയ തിരച്ചില്‍ തന്നെ അന്‍സിലിന്റെ മൃതദേഹം ലഭിച്ചിരുന്നു.ഇന്നു രാവിലെ തിരച്ചില്‍ പുനരാരംഭിച്ചപ്പോഴാണ് ആദ്യം നൗഫിയയുടെയും പിന്നാലെ സിദ്ദിഖിന്റെയും മൃതദേഹം കണ്ടെത്തിയത്.
ദമ്പതികള്‍ മരിച്ചുപോയ അന്‍സിലിന്റെ വീട്ടിലേക്ക് വിരുന്നു വന്നവരായിരുന്നു. അഞ്ചു ദിവസം മുമ്പാണ് ഇരുവരുടെയും വിവാഹം കഴിഞ്ഞത്.