ന്യൂഡല്‍ഹി: രാജ്യതലസ്ഥാനത്ത് മുഗള്‍ രാജാക്കന്‍മാരുടെ നാമത്തില്‍ അറിയപ്പെടുന്ന പ്രമുഖ റോഡുകളുടെ പേര് മാറ്റണമെന്ന് ബി.ജെ.പി. അക്ബര്‍ റോഡ്, ഹുമയൂണ്‍ റോഡ്, ഔറംഗസീബ് ലെയ്ന്‍, തുഗ്ലക് ലെയ്ന്‍, ഷാജഹാന്‍ റോഡ് തുടങ്ങിയവയുടെ പേരു മാറ്റണമെന്നാണ് ആവശ്യം. ഇക്കാര്യം ചൂണ്ടിക്കാട്ടി ഡല്‍ഹി ബി.ജെ.പി അധ്യക്ഷന്‍ ആദേശ് ഗുപ്ത നോര്‍ത്ത് ഡല്‍ഹി മുനിസിപ്പല്‍ കോര്‍പറേഷന്‍ ചെയര്‍മാന് കത്തയച്ചു.
തുഗ്ലക് റോഡിന്റെ പേര് ഗുരു ഗോബിന്ദ് സിങ് മാര്‍ഗ് എന്നും അക്ബര്‍ റോഡിന്റെ പേര് മഹാറാണ പ്രതാപ് റോഡ് എന്നും ഔറംഗസേബ് ലെയ്‌നിന്റെ പേര് അബ്ദുല്‍ കലാം റോഡ് എന്നും ഹുമയൂണ്‍ റോഡിന്റെ പേര് മഹര്‍ഷി വാക്മീകി റോഡ് എന്നും ഷാജഹാന്‍ റോഡിന്റെ പേര് അന്തരിച്ച മുന്‍ സംയുക്ത സേനാ മേധാവി വിപിന്‍ റാവത്തിന്റെ പേരിലേക്കും മാറ്റണം എന്നാണ് ആവശ്യം.