നിയന്ത്രണംവിട്ട ബൈക്ക് വഴിയരികിലെ വീടിന്റെ ഗേറ്റില്‍ ഇടിച്ചുണ്ടായ അപകടത്തില്‍ വിദ്യാര്‍ത്ഥിനി മരിച്ചു. ബൈക്കിന് പിന്നിലിരുന്ന് സഞ്ചരിച്ച അനുപമ മോഹന്‍ (21) ആണ് മരിച്ചത്. ബൈക്ക് ഓടിച്ച സഹപാഠി കുട്ടിക്കല്‍ ഒളികപാറയില്‍ അമീറിനെ (21) ഗുരുതര പരിക്കുകളോടെ കോട്ടയത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
ഇന്നലെ രാത്രി ഏഴുമണിയോടെയാണ് കാഞ്ഞിരപ്പള്ളി എരുമേലി റോഡില്‍ കൊരട്ടി അമ്പല വളവിനു സമീപം അപകടമുണ്ടായത്. ഇരുവരും സഹപാഠിയുടെ വീട്ടില്‍ പോയി മടങ്ങുകയായിരുന്നു. അപകടത്തില്‍ ബൈക്കും വീടിന്റെ ഗേറ്റും തകര്‍ന്നിട്ടുണ്ട്.