മലപ്പുറം: മഞ്ചേരി- പെരിന്തൽമണ്ണ റൂട്ടിൽ ആനക്കയം പാലത്തിൽ വച്ചുണ്ടായ ബൈക്ക് അപകടത്തിൽ കാഞ്ഞമണ്ണ മഠത്തിൽ മാനുവിന്റെ മകൻ റിജാസ് (18) മരണപ്പെട്ടു. ആന്തരിക രക്തസ്രാവത്തോടെ അബോധാവസ്ഥയിലായിരുന്നു. ഇന്നലെ വൈകുന്നേരം 7 മണിക്ക് ആണ് അപകടം. ആശുപത്രിയിൽ ചികിത്സയിലിരിക്കെ ഇന്ന് രാവിലെയാണ് മരണം.
ആനക്കയം പാലത്തിൽ കഴിഞ്ഞ ദിവസം ലോറിയും ജെസിബിയും കൂട്ടിയിടിച്ചുണ്ടായ അപകടത്തിൽ തകർന്നിരുന്നു. പാലത്തിന്റെ കൈവരിയില്ലാത്ത ഭാഗത്തുകൂടി വാഹനങ്ങളും കാൽനട യാത്രക്കാരും പുഴയിൽ വീഴാതിരിക്കാൻ തടസ്സമായി വെച്ച ടാർവീപ്പയിൽ അമിത വേഗതയിൽ ഓടിച്ചു വന്ന ബൈക്ക് ഇടിച്ച ശേഷം എതിരെ ബൈക്കിൽ വന്ന ദമ്പതികളെയും ഇടിച്ച് തെറിപ്പിച്ചു പാലത്തിന്റെ കൈവരിയിൽ ഇടിച്ചു തകർന്നു. ഇവിടെയാണ് അപകടം നടന്നത്.