അരൂര്‍: ബൈക്ക് കനാലിലേക്ക് മറിഞ്ഞതിനെ തുടര്‍ന്നുണ്ടായ അപകടത്തില്‍ യുവാവ് മരണപ്പെട്ടു. തമിഴ്‌നാട്ടില്‍ നിന്നുള്ള ആഷിക്കാണ് മരിച്ചത്. 26 വയസായിരുന്നു. ഇന്ന് ഉച്ച മൂന്ന് മണിയോടെയാണ് സംഭവം നടന്നത്. കുത്തിയതോട്ടിലുള്ള ബേക്കറിയിലെ ജോലിക്കാരനായിരുന്നു ആഷിക്ക്. ബേക്കറിയുടെ മുന്നില്‍ നിന്ന് ബൈക്കുമായി പോകുന്നതിനിടെയാണ് അപകടം ഉണ്ടായത്. കനാലിലേക്ക് മറിയുകയായിരുന്നു. പോലീസും ഫയര്‍ഫോഴ്‌സുമെത്തി ഒരു മണിക്കൂര്‍ തിരച്ചില്‍ നടത്തിയ ശേഷമാണ് മൃതദേഹം കണ്ടെത്തിയത്. മൃതദേഹം പോസ്റ്റ്‌മോര്‍ട്ടത്തിനായി തുറവൂര്‍ സര്‍ക്കാര്‍ ആശുപത്രിയിലേക്ക് മാറ്റി.