ദേശീയപാതയിലെ കുഴിയില്‍ ചാടി ബൈക്കില്‍നിന്ന് തെറിച്ചുവീണ് ചികിത്സയിലായിരുന്ന യുവാവ് മരിച്ചു. പഴഞ്ഞി അരുവായി സനൂ സി ജെയിംസ് (29) ആണ് മരിച്ചത്. തൃശ്ശൂരില്‍ തളിക്കുളത്ത് ആണ് സംഭവം.
ശനിയാഴ്ച പുലര്‍ച്ചെ ബൈക്കില്‍ സഞ്ചരിക്കവെ കച്ചേരിപ്പടിയിലെ തളിക്കുളം സഹകരണ ബാങ്കിന് സമീപമാണ് അപകടം. കുഴിയില്‍ ചാടി ബൈക്കില്‍ നിന്നും തെറിച്ചു വീഴുകയായിരുന്നു. തെറിച്ചുവീണ ഇയാള്‍ ഒരു ഓട്ടോറിക്ഷയില്‍ ഇടിക്കുകയും ചെയ്തു.
തൃശ്ശൂരിലെ അടുത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ചികിത്സയിലിരിക്കെ ഇന്നലെ രാത്രിയോടെ മരിച്ചു.