സ്കൂൾ കുട്ടികളുമായി പോയ ഓട്ടോറിക്ഷ മറിഞ്ഞ് വനിതാ ഡ്രൈവർ മരിച്ചു. സീതത്തോട് കൊടുമുടി അനിത (35) ആണ് മരിച്ചത്. ഇവരുടെ മകനുൾപ്പെടെ നാലു കുട്ടികൾക്ക് പരിക്കേറ്റു.
ഇന്ന് രാവിലെ 8.30ഓടെ പത്തനംതിട്ട ചിറ്റാർ കൊടുമുടിയിൽ താഴ്ചയിലേക്ക് മറിഞ്ഞാണ് അപകടം. അപകടസ്ഥലത്ത് വെച്ച് തന്നെ അനിത മരിച്ചു. ചിറ്റാർ ജി.എച്ച്.എസ്.എസിലെ വിദ്യാർഥികളാണ് ഓട്ടോയിൽ ഉണ്ടായിരുന്നത്. അനിതയുടെ മകൻ ആൾട്രിൻ, ആകാശ്, അശ്വിൻ, വിജി എന്നീ വിദ്യാർഥികൾക്കാണ് പരിക്കേറ്റത്.