അഭിമുഖത്തനിടെ അവതാരകയെ അപമാനിച്ച സംഭവത്തില്‍ നടന് ശ്രീനാഥ് ഭസിക്കെതിരായ പരാതി അവതാരക പിന്‍വലിക്കും. ഓണ്‍ലൈന്‍ ചാനല്‍ അവതാരകയായ പരാതിക്കാരി ഇതിനായി അഭിഭാഷകരെ ചുമതലപ്പെടുത്തി. പിന്‍വലിക്കാനുള്ള ഹരജിയില്‍ പരാതിക്കാരി ഒപ്പിട്ട് നല്‍കി.
ചൊവ്വാഴ്ച്ചയാണ് ശ്രീനാഥ് ഭാസിയെ അറസ്റ്റ് ചെയ്ത് ജാമ്യത്തില്‍ വിട്ടയച്ചത്. മരട് പോലീസ് സ്‌റ്റേഷനിലായുന്നു നടന് ചോദ്യം ചെയ്യലിന് ഹാജരായത്. സ്‌റ്റേഷന്‍ ജാമ്യത്തിലാണ് വിട്ടയച്ചത്. സ്ത്രീത്വത്തെ അപമാനിച്ചുവെന്നതാണ് നടനെതിരെയുണ്ടായിരുന്ന കേസ്.
ഇതിന് പിന്നാലെ സിനിമ നിര്‍മാതാക്കളുടെ സംഘടന നടന് വിലക്കേര്‍പ്പെടുത്തിയിരുന്നു. ഫിലിം പ്രൊഡ്യൂസേഴ്‌സ് അസോസിയേഷന്റേതായിരുന്നു തീരുമാനം.
കേസിനാസ്പദമായ സംഭവം ഈ മാസം 21നാണ് നടന്നത്. ചട്ടമ്പി എന്ന സിനിമയുടെ പ്രൊമേഷനുമായി ബന്ധപ്പെട്ട് അഭിമുഖം നടത്തുന്നതിനിടെയാണ് നടന് അവതാരകയെ അപമാനിച്ചത്.