മദ്യലഹരിയില്‍ വൈദ്യുത ലൈനിനുമുകളില്‍ കിടന്ന് യുവാവിന്റെ സാഹസം. ആന്ധ്രയിലെ പാലകൊണ്ടയിലെ സിങ്കിപുരത്ത് യെജ്ജാല വെങ്കണ്ണ എന്നയാളാണ് പോസ്റ്റിന് മുകളില്‍ കിടന്ന് ഉറങ്ങാന്‍ ശ്രമിച്ചത്.
മദ്യപിക്കാന്‍ അമ്മ പണം നല്‍കാത്തതിന് ആയിരുന്നു യുവാവിന്റെ സാഹസ പ്രകടനം. നാട്ടുകാര്‍ യഥാസമയം ട്രാന്‍സ്‌ഫോര്‍മര്‍ ഓഫ് ചെയ്തതിനാല്‍ വന്‍ ദുരന്തം ഒഴിവായി. തുടര്‍ന്ന് യുവാവിനെ അനുനയിപ്പിച്ച് പോസ്റ്റിന് മുകളില്‍ നിന്ന് താഴെ ഇറക്കുകയായിരുന്നു.
വൈദ്യുതി വിച്ഛേദിച്ച ശേഷം നാട്ടുാര്‍ യുവാവിനോട് ഇറങ്ങാന്‍ അപേക്ഷിച്ചു. എന്നാല്‍ യുവാവ് കമ്പികളില്‍ കിടന്നതോടെ നാട്ടുകാര്‍ ആശങ്കയിലായി. വിവരമറിഞ്ഞ് പൊലീസ് ഗ്രാമത്തിലെത്തി യുവാവിനെതിരെ കേസെടുത്തു.