പരോളിലിറങ്ങിയ ബലാത്സംഗ കേസിലെ പ്രതി മകളേയും മരുമകളേയും പീഡിപ്പിച്ചു. വടക്കന്‍ ഛത്തീസ്ഗഢിലെ കൊരിയ ജില്ലയിലാണ് സംഭവമുണ്ടായത്. പതിനൊന്നുകാരിയായ മകളേയും പന്ത്രണ്ടുകാരിയായ മരുമകളേയുമാണ് പ്രതി ബലാത്സംഗം പീഡിപ്പിച്ചത്.
ഒക്ടോബര്‍ 19-ന് വീട്ടില്‍ വെച്ച് പ്രതി തന്നെ പീഡിപ്പിച്ചിരുന്നെന്ന് മകള്‍ പോലീസിന് മൊഴിനല്‍കി. പുറത്തുപറയാതിരിക്കാന്‍ ഭീഷണിപ്പെടുത്തിയതായും കുട്ടി പോലീസിനോട് പറഞ്ഞു.
എന്നാല്‍ ഒക്ടോബര്‍ 21-ന് പ്രതി മരുമകളെയും പീഡിപ്പിച്ചെന്ന് കൊരിയ എസ്.പി. സുരാജ് സിങ് പരിഹര്‍ പറഞ്ഞു. വിറക് ശേഖരിക്കാനെന്ന വ്യാജേനെ കാട്ടിലേക്ക് കൊണ്ടുപോയ ശേഷമാണ് പ്രതി ബലാത്സംഗം ചെയ്തതെന്നും പൊലീസ് പറഞ്ഞു. മരുമകളേയും പ്രതി ഭീഷണിപ്പെടുത്തുകയായിരുന്നു. പ്രതി സീരിയല്‍ റേപ്പിസ്റ്റാണെന്നും പോലീസ് വ്യക്തമാക്കി.
ഇരുവരും ശനിയാഴ്ചയാണ് പോലീസിനെ സമീപിക്കുന്നത്. എന്നാല്‍ കുട്ടികള്‍ പോലീസിനെ സമീപിച്ച വിവരം അറിഞ്ഞതോടെ പ്രതി രക്ഷപ്പെട്ട് ഒളിവില്‍ പോയി. സമീപജില്ലയായ രകോര്‍ബയിലെ ഒരു കാട്ടില്‍ നിന്നും പോലീസ് ഇയാളെ അറസ്റ്റ് ചെയ്തു.
പോക്സോ, ബി.എന്‍.എസ്. നിയമങ്ങളിലെ വിവിധ വകുപ്പുകള്‍ പ്രകാരം പോലീസ് ഇയാള്‍ക്കെതിരെ കേസെടുത്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.