ഒ.എന്‍.വിയുടെ കവിത പാടി ഞെട്ടിച്ച് സാദിഖലി തങ്ങള്‍. മലപ്പുറത്ത് നടക്കുന്ന എം.എസ്.എഫ് ബാലകേരളം പ്രഥമ സംസ്ഥാനസംഗമവേദിയിലായിരുന്നു തങ്ങളുടെ ഗാനാലാപനം. ‘ഒരു വട്ടം കൂടിയെന്നോര്‍മകള്‍ മേയുന്ന തിരുമുറ്റത്തെത്തുവാന്‍ മോഹം…”;എന്ന പാട്ടാണ് സാദിഖലി ശിഹാബ് തങ്ങള്‍, നിറഞ്ഞ കൈയ്യടികളോടെ സദസ്സില്‍ പാടിയത്.
ബാലകേരളം പ്രഥമ സംസ്ഥാന സമ്മേളനത്തിന്റെ ഉദ്ഘാടനത്തിനിടെയാണ് മുസ്‌ലിംലീഗ് സംസ്ഥാന അധ്യക്ഷന്‍ പാണക്കാട് സാദിഖലി ശിഹാബ് തങ്ങള്‍ കുട്ടികള്‍ക്കായി പാട്ട് പാടിയത്. സംഗമത്തില്‍ മുതുകാടിന്റെ കുട്ടികളുമായുള്ള സംവാദവും കളരിപ്പയറ്റും ഒപ്പനയും നാടന്‍പാട്ടുകളും നാടകവും മറ്റും അരങ്ങേറുന്നുണ്ട്.