കിവീസും ലങ്കയും തമ്മിലുള്ള ആദ്യ ടെസ്റ്റിന് ആവേശകരമായ അന്ത്യം. അവസാന പന്ത് വരെ നീണ്ട ത്രില്ലിങ് പോരാട്ടത്തില്‍ രണ്ട് വിക്കറ്റിന് ന്യൂസിലന്‍ഡ് ശ്രീലങ്കയെ പരാജയപ്പെടുത്തിയത്. 285 റണ്‍സ് വിജയലക്ഷ്യവുമായി ഇറങ്ങിയ ന്യൂസിലന്‍ഡ് 8 വിക്കറ്റ് നഷ്ടപെടുത്തി അവസാന പന്തില്‍ വിജയിച്ചു. കെയിന്‍ വില്ല്യംസണ്‍ (121നോട്ടൗട്ട്) ന്യൂസിലന്‍ഡിന്റെ ടോപ്‌സ്‌കോറര്‍ ആയപ്പോള്‍ ഡാരില്‍ മിച്ചലും 81മായി തിളങ്ങി. ലങ്കയ്ക്കായി മൂന്ന് വിക്കറ്റുമായി ഫെര്‍ണാന്‍ഡോ തിളങ്ങി.