ജമ്മു കശ്മീരില്‍ ഭീകരാക്രമണത്തില്‍ നാലുപേര്‍ കൊല്ലപ്പെട്ടു. രജൗറിയിലെ അപ്പര്‍ ധാംഗ്രി ഗ്രാമത്തിലാണ് ഭീകാരാക്രമണം നടന്നത്. 4 തദ്ദേശവാസികളാണ് കൊല്ലപ്പെട്ടത്. ഗ്രാമത്തിലെ രാംക്ഷേത്രത്തിന് സമീപത്തുവച്ചാണ് ആക്രമണമുണ്ടായത്. സംഭവത്തില്‍ 6 പേര്‍ക്ക് പരിക്കേറ്റിട്ടുണ്ട്.
സമീപത്തെ 3 വീടുകളിലേക്ക് ഇരച്ചുകയറിയ ആക്രമികള്‍ വെടിയുതിര്‍ക്കുകയായിരുന്നെന്ന് കശ്മീര്‍ എഡിജിപി മുകേഷ് സിങ് പറഞ്ഞു. ആക്രമണത്തില്‍ പരിക്കേറ്റവരെ രജൗറി മെഡിക്കല്‍ കോളേജില്‍ പ്രവേശിപ്പിച്ചു. ഭീകരര്‍ക്കുവേണ്ടിയുള്ള തിരച്ചില്‍ല തുടരുകയാണെന്ന് ജമ്മു കശ്മീര്‍ പൊലീസ് അറിയിച്ചു.