പട്‌ന: ബിഹാറില്‍ മഹാസഖ്യത്തിന്റെ മുഖ്യമന്ത്രി സ്ഥാനാര്‍ത്ഥി തേജസ്വി യാദവ് സ്വന്തം മണ്ഡലമായ രഘോപുരില്‍ ലീഡ് ചെയ്യുന്നു. വോട്ടെണ്ണല്‍ ആരംഭിച്ചതു മുതല്‍ വ്യക്തമായ മേധാവിത്വമാണ് തേജസ്വി പുലര്‍ത്തുന്നത്. ബിജെപിയുടെ സതീഷ് കുമാറാണ് ഇവിടെ എന്‍ഡിഎ സ്ഥാനാര്‍ത്ഥി.
2010ല്‍ മുന്‍ മുഖ്യമന്ത്രി റാബ്രി ദേവിയെ തോല്‍പ്പിച്ച നേതാവാണ് സതീഷ്. 9.45ലെ കണക്കുകള്‍ പ്രകാരം 103 സീറ്റുകളില്‍ മഹാസഖ്യവും 104 സീറ്റില്‍ എന്‍ഡിഎയും ലീഡ് ചെയ്യുകയാണ്. എല്‍ജെപി അഞ്ചു സീറ്റിലാണ് ലീഡ് ചെയ്യുന്നത്.
ആര്‍ജെഡിയുടെ തേജ്പ്രതാപ് ഹസന്‍പൂരില്‍ ലീഡ് ചെയ്യുകയാണ്. എച്ച്എഎം സ്ഥാപകന്‍ ജിതന്‍ റാം മാഞ്ചി ഇമാംഗഞ്ചില്‍ മുമ്പിട്ടു നില്‍ക്കുന്നു. ജെഡിയു മന്ത്രി ജയ് കുമാര്‍ സിങ് ദിനാറയില്‍ പിന്നിലാണ്. പ്ലൂരല്‍സ് പാര്‍ട്ടിയുടെ പുഷ്പം പ്രിയ ബങ്കിപൂരില്‍ പിന്നിലാണ്. ശത്രുഘ്‌നന്‍ സിന്‍ഹയുടെ മകന്‍ ലുവ് സിന്‍ഹയും പിന്നിലാണ്.