എ പി ജെ അബ്ദുൽ കലാം സാങ്കേതിക സർവകലാശാല അത്ലറ്റിക് മീറ്റിൽ മുൻ ചാമ്പ്യന്മാരായ പാലക്കാട് എൻ എസ് എസ് കോളേജ് ബഹുദൂരം മുന്നിൽ തുടരുന്നു തിരുവനന്തപുരം എൻജിനീയറിങ് കോളേജ് രണ്ടാം സ്ഥാനത്തും കൊല്ലം ടി കെ എം എൻജിനീയറിങ് കോളേജ് മൂന്നാം സ്ഥാനത്തുമുണ്ട്
വനിതാ വിഭാഗം ഷോട്ട് പുട്ടിൽ രാജഗിരി എൻജിനീയറിങ് കോളേജിലെ ആദിത്യ രാജ് ഒന്നാം സ്ഥാനം നേടി.
5000 മീറ്റർ ഓട്ടത്തിൽ പാലക്കാട് എൻ എസ് എസ് കോളേജ് അർപ്പിത രാജനും ട്രിപ്പിൾ ജമ്പിൽ പാലക്കാട് എൻ എസ് എസ് കോളേജിലെ ആതിര ടി പിയും ഒന്നാം സ്ഥാനം കരസ്ഥമാക്കി. 400 മീറ്റർ ഓട്ടത്തിൽ പാലക്കാട് എൻ എസ് എസ് കോളേജിലെ ശില്പ എ കെ ഒന്നാം സ്ഥാനം കരസ്ഥമാക്കിയപ്പോൾ ലോങ്ങ് ജമ്പിൽ തൃശൂർ ജ്യോതി എൻജിനീയറിങ് കോളേജ് സർഗ്ഗ കെ എസ് ഒന്നാം സ്ഥാനം നേടി.
പുരുഷ വിഭാഗം 400 മീറ്റർ ഓട്ടത്തിൽ പാലക്കാട് എൻ എസ് എസ് കോളേജ് വിദ്യാർത്ഥി അഭിഷേക് വി ഒന്നാം സ്ഥാനം നേടി. 10000 മീറ്റർ ഓട്ടത്തിൽ പാലക്കാട് എൻ എസ് എസ് കോളേജിലെ അഖിൽനാഥ് വി ഒന്നാം സ്ഥാനം നേടിയപ്പോൾ ഡിസ്കസ് ത്രോയിൽ അതേ കോളേജിലെ അർജുൻ എസ് ഒന്നാം സ്ഥാനം കരസ്ഥമാക്കി.ഹാമർ ത്രോയിൽ തൃശൂർ എൻജിനീയറിങ് കോളേജിലെ നിരഞ്ജൻ മധുവാണ് ഒന്നാം സ്ഥാനത്ത്.