മരിച്ചവരിൽ 9 പേർ ഒരു വീട്ടിൽ നിന്ന് ; മൂന്ന് ബന്ധുക്കളും മരിച്ചു

താനൂർ ബോട്ടപകടത്തിൽ മരിച്ചവരിൽ 9 പേർ ഒരു വീട്ടിൽ നിന്നുള്ളവർ.പരപ്പനങ്ങാടി കുന്നുമ്മൽ വീട്ടിൽ സെയ്തവലിയുടേയും സഹോദരൻ സിറാജിന്റെയും ഭാര്യമാരും മക്കളുമടക്കം ഒമ്പത് പേരാണ് മരിച്ചത്. സൈതലവിയുടെ ഭാര്യ സീനത്ത് (43) മക്കളായ ഹസ്ന ( 18 ), ഷഫല (13) ഷംന(12), ഫിദ ദിൽന (7) സഹോദരൻ സിറാജിന്റെ ഭാര്യ റസീന ( 27 ) മക്കളായ സഹറ, (8) നൈറ (7), ഒന്നര വയസുകാരി റുഷ്ദ എന്നിവരാണ് മരിച്ചത്. സൈതലവിയുടെ ബന്ധുക്കളായ ജൽസിയ (45), ജരീർ (12), ജന്ന (8 ) എന്നിവരാണ് മരിച്ച മറ്റ് മൂന്നുപേർ. കുടുംബത്തിലെ 15 പേർ ഒരുമിച്ചാണ് വിനോദയാത്രക്ക് പോയത്. മൂന്ന് പേർ അപകടത്തിൽ പരിക്കേറ്റ് ചികിത്സയിലാണ് മുഖ്യമന്ത്രി കുന്നുമ്മൽ വീട് സന്ദർശിക്കും.