താനൂര്‍ ഒട്ടുപുറം തൂവല്‍ തീരത്തെ പുഴയില്‍ 22 പേരുടെ മരണത്തിനിടയാക്കിയ താനൂര്‍ ബോട്ട് ദുരന്ത കേസിലെ ഒന്നാം പ്രതിയും ബോട്ട് ഉടമയുമായ നാസറിന് ഹൈക്കോടതി ജാമ്യം അനുവദിച്ചു. 101 ദിവസമായ റിമാന്‍ഡില്‍ കഴിയുകയായിരുന്നു ഇദ്ദേഹം.
കേസിലെ 7,8,9 പ്രതികള്‍ക്കും ഹൈക്കോടതി ജാമ്യം നല്‍കിയിട്ടുണ്ട്. ജസ്റ്റിസ് സിയാദ് റഹ്മാനാണ് ജാമ്യം അനുവദിച്ചത്. കേരളത്തെ നടുക്കിയ ഈ ബോട്ട് അപകടം ബോട്ട് ജീവനക്കാരുടെ അശ്രദ്ധ മൂലമാണ് ഉണ്ടായതെന്ന് പല അന്വേഷണങ്ങളിലും തെളിഞ്ഞിരുന്നു.