തുര്‍ക്കിക്ക് ആശ്വാസവുമായി തായ്‌വാന്‍. തായ്‌വാന്‍ പ്രസിഡന്റ് സായ് ഇങ്‌വെനും വൈസ് പ്രസിഡന്റ് വില്യം ലായിയുമാണ് തുര്‍ക്കിക്ക് സഹായ ഹസ്തവുമായി എത്തിയത്. ഇരുവരും ഒരു മാസത്തെ ശമ്പളം തുര്‍ക്കി ഭൂകമ്പ ദുരിതാശ്വാസ – പുനരുദ്ധാരണ പ്രവര്‍ത്തനങ്ങള്‍ക്കായി സംഭാവന ചെയ്യുമെന്ന് അറിയിച്ചു.
തായ്‌വാന്‍ പ്രസിഡന്റിന്റെ കാര്യാലയമാണ് ഇരുവരുടെയും ശമ്പളം തുര്‍ക്കി ഭൂകമ്പ ദുരിതാശ്വാസ – പുനരുദ്ധാരണ പ്രവര്‍ത്തനങ്ങള്‍ക്കായി വിനിയോഗിക്കുമെന്ന് വാര്‍ത്താകുറിപ്പിലൂടെ അറിയിച്ചത്. തായ്‌പെയിയിലെ തുര്‍ക്കി എംബസി സന്ദര്‍ശിച്ച സായ് ഓഫിസില്‍ അനുശോചനക്കുറിപ്പ് രേഖപ്പെടുത്തുകയും ചെയ്തു.
തുര്‍ക്കിയിലെ ദുരിതാശ്വാസ പ്രവൃത്തികള്‍ക്കായി നേരത്തെ തായ്‌വാന്‍ രണ്ട് മില്യന്‍ ഡോളര്‍ പ്രഖ്യാപിച്ചിരുന്നു. രണ്ട് ദുരന്ത നിവാരണ സംഘത്തെ തുര്‍ക്കിയിലേക്ക് അയയ്ക്കുകയും ചെയ്തിട്ടുണ്ട്.