ടി20 ലോകകപ്പില്‍ ഫൈനല്‍ കാണാതെ ഇന്ത്യ പുറത്ത്. ഇന്ത്യക്കെതിരെ തകര്‍പ്പന്‍ ജയവുമായി ഇംഗ്ലണ്ട് ഫൈനലില്‍ എത്തി. ടോസ് നേടിയ ഇംഗ്ലണ്ട് ഇന്ത്യയെ ബാറ്റിങ്ങിന് അയക്കുകയായിരുന്നു. ആറു വിക്കറ്റ് നഷ്ടത്തില്‍ ഇന്ത്യ 168റണ്‍ നേടി. ഹര്‍ദിക് പാണ്ഡ്യ(63), വിരാട് കോഹ്ലി(50) എന്നിവരാണ് ഇന്ത്യയ്ക്ക് വേണ്ടി ഭേദപ്പെട്ട സ്‌കോറുകള്‍ നേടിയത്.
മറുപടി ബാറ്റിംഗിന് ഇറങ്ങിയ ഇംഗ്ലണ്ട് ഒരു വിക്കറ്റ് പോലും പോവാതെ 15.5 ഓവറില്‍ കളി തീര്‍ത്തു. അലക്‌സ് ഹയില്‍സ് (86) ക്യാപ്റ്റന്‍ ജോസ് ബട്ട്‌ലര്‍(80) എന്നിവരാണ് ഇംഗ്ലണ്ടിന് വേണ്ടി തിളങ്ങിയത്.
ഇതോടെ ഇന്ത്യ-പാകിസ്ഥാന്‍ എന്ന സ്വപ്ന ഫൈനലിന് ഇക്കുറിയും വിധി ഉണ്ടായില്ല. പാക്കിസ്ഥാന്‍-ഇംഗ്ലണ്ട് ഫൈനല്‍ പോരാട്ടം ഞായറാഴ്ച നടക്കും.