കാരുണ്യം, സംസ്‌കരണം, മോചനം എന്ന പ്രമേയവുമായി സുന്നി യുവജന സംഘം സംസ്ഥാന കമ്മിറ്റി ആചരിക്കുന്ന റമസാന്‍ കാമ്പയിനിന്റെ സംസ്ഥാനതല ഉദ്ഘാടനം നാളെ മലപ്പുറം സുന്നി മഹലില്‍ നടക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. സംസ്ഥാന ജനറല്‍ സെക്രട്ടറി മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനാകും. അബ്ദുസമദ് പൂക്കോട്ടൂര്‍ പ്രമേയ പ്രഭാഷണം നടത്തും. ഹംസ റഹ്മാനി കൊണ്ടിപറമ്പ് ആമുഖ പ്രഭാഷണം നിര്‍വഹിക്കും.
എ.എം പരീത് എറണാകുളം, ഇ. മൊയ്തീന്‍ ഫൈസി പുത്തനഴി, കെ.എ റഹ്മാന്‍ ഫൈസി കാവനൂര്‍, കെ.കെ.എസ് തങ്ങള്‍ വെട്ടിച്ചിറ, സലിം എടക്കര, സംസ്ഥാന, ജില്ലാ ഭാരവാഹികള്‍ സംബന്ധിക്കും. ജില്ലാതല സെമിനാറുകള്‍, മണ്ഡലം മേഖലാതല ലീഡേഴ്‌സ് തസ്‌കിയത്ത് ലോഞ്ച്, പഞ്ചായത്ത് ഏരിയാതല മജ്‌ലിസുത്തഹ്‌രീള്, ശാഖാതലപ്രമേയ പ്രഭാഷണങ്ങള്‍, തബ്‌സ്വിറ ബോധവല്‍ക്കരണ സംഗമങ്ങള്‍, ഉറവ് റിലീഫുകള്‍, മനനം വായനാമുറി മത്സരങ്ങള്‍ എന്നിവ നടക്കും. പ്രമേയാധിഷ്ഠിത ജനകീയ പഠനത്തിനും മത്സരങ്ങള്‍ക്കുമായി സംസ്ഥാന കമ്മിറ്റി പ്രത്യേക ലഘുപുസ്തകം തയ്യാറാക്കി ശാഖാ കമ്മിറ്റികള്‍ക്ക് കൈമാറിയിട്ടുണ്ട്.